صوورہ وژرناگ میں قائم پیٹرول پمپ پر صارفین سے ٹھگی
پیسے برابر وصول کئے جانے کے باوجود صارفین کو پیٹرول اور ڈیزل کم دیاجاتا ہے ۔ اشتیاق بیگ
سرینگر/06مئی//
صورہ وژرناگ میںقائم پیٹرول پمپ کے خلاف شکایت درج کرتے ہوئے نگوا سکمز کے صدر اشتیاق بیگ نے کہا ہے کہ پیٹرول پمپ پر تیل میں گھوٹالہ کیا جاتا ہے ۔ انہوںنے بتایاکہ صارفین سے ایک ہزار روپے وصولے جاتے ہیں لیکن تیل پانچ سو روپے کا بھی نہیں ڈالا جاتا ہے ۔ انہوںنے اس ضمن میں ڈائریکٹر ناپ تول ، ایڈیشنل ڈیوکام اور ڈی سی سرینگر سے اس معاملے کی تحقیقات کرانے کا مطالبہ کیا ہے ۔ اطلاعات کے مطابق پیٹرول پمپوںپر صارفین کو دو دو ہاتھوںلوٹا جارہا ہے ۔ صارفین سے پیسے برابر وصول تو کئے جاتے ہیں تاہم پیٹرول یا ڈیزل کم دیا جاتاہے ۔ اس ضمن میں نگوا سکمز کے صدر اور جی آر بیگ میموریل ٹرسٹ کے چیرمین اشتیاق بیگ نے بتایا ہے کہ انہوںنے آج وژر ناگ صورہ سرینگر میں قائم پیٹرول پمپ پر 700روپے کا پیٹرول گاڑی میں ڈلوایا تاہم انہیں اس میں کچھ گڑ بڑھ محسوس ہوا اور جب اس بارے میں انہوںنے پیٹرول پمپ والوں کے ساتھ بات کی تو اس کو دھمکی دیتے ہوئے وہ پٹائی پر اُترآئے ۔ اس کے بعد بیگ صاحب نے اس معاملے کی شکایت ایڈیشنل ڈویژنل کمشنر کشمیر ، ڈسٹرکٹ ڈیولپمنٹ کمشنر سرینگر اور بھارت پیٹرولیم کے متعلقہ منیجر سے شکایت کی اور ای میل اور وٹس اپ کے ذریعے ان سے اپیل کی گئی کہ وہ اس معاملے کی اعلیٰ سطحی تحقیقات کرائیں کیوں پیٹرول پمپ والوں سے اکثر اس طرح کی شکایات موصول ہورہی ہیں۔
