ٹرسٹ سرپرست اعلیٰ نے سماج کے ہر طبقہ کو اس مہم میں شامل ہونے کی اپیل کی
سرحدی ضلع کپوارہ کےلئے ٹرسٹ کے ضلعی صدر کا بھی انتخاب عمل میں لایا گیا
سرینگر/ سماج میں پھیلی جارہی بُرائیوں خاص کر منشیات کے خلاف اجتماعی کوششوں کی ضرورت قراردیتے ہوئے جی آر بیگ میموریل ٹرسٹ کی سرپرست اعلیٰ بیگم فاطمہ رسول بیگ نے کہا ہے کہ نشہ مکت ابھیان کے تحت گھر گھر مہم چلائی جائے گی جس کا آغاز سرحدی ضلع کپوارہ سے کیا جائے گا۔ بیگم فاطمہ رسول نے اس ضمن میں لوگوں سے اپیل کی ہے کہ اس مہم کا کامیاب بنانے کےلئے آگے آئیں ۔ انہوں نے منشیات کے خاتمہ کےلئے والدین ، اساتذہ کرام ، علمائے دین ، ایمہ مساجد کے علاوہ دیہی علاقوں کے سرپنچ اور پنچوں پر زور دیتے ہوئے کہا ہے کہ وہ اپنے اپنے حلقوں اور دائرے اختیار میں اس منشیات کی لت کے خلاف لوگوں میں جانکاری عام کریں خاص کر منشیات کی وجہ سے جو سماجی بُرائیاں پنپ رہی ہیں ان مضر اثرات کو زیادہ سے زیادہ اُجاگر کرنے کی ضرورت ہے ۔ انہوں نے بتایا کہ وادی کشمیرکو ”پیر ویر“یعنی صوفی سنتوں کے مسکن کے طور پر جانا جاتا تھا لیکن اب یہی وادی جرائم کا گڑھ بنتی جارہی ہے اور اس کی جڑ منشیات ہی ہے ۔ انہوں نے بتایا کہ یہ ہم سب کی ملی ذمہ داری ہے کہ اس بدعت کو ختم کریں اور اس کےلئے سماج کے ہر طبقہ کی ذمہ داری بنتی ہے ۔ دیں اثناءجی آر بیگ میموریل ٹرسٹ کی جانب سے 13اور 14مئی کو شمالی کشمیر کے سرحدی علاقہ لولاب میں ایک طبی کیمپ کا انعقاد بھی کیا جارہا ہے جس میں وادی کے بہترین معالجین لوگوںکا علاج و معالجہ کریں گے ۔ ادھر جی آر بیگ میموریل ٹرسٹ کے چیرمین اشتیاق بیگ نے اپنے آئینی اختیارات کا استعمال کرتے ہوئے ضلع کپوارہ کےلئے اشرف نثار کو ضلع صدر مقرر کیا ہے ۔ اشرف نثار مشہور ٹریڈ یونین لیڈر ہونے ہیںجنہوں نے اسسٹنٹ ڈائریکٹر فوڈ کے طور پر بھی اپنی خدمات انجام دیں ہیں ۔ اشرف نثار جی آر بیگ کے بانی غلام رسول بیگ کے خاص تھے جنہوں نے اس ٹرسٹ کے قیام میں بھی اپنا کلیدری رول نبھایا ۔
