500سے زائد افراد کا مفت علاج و معالجہ کیا گیااور ادویات فراہم کی گئی
منشیات کے خلاف تعاون دینے کےلئے میں ننگے پاﺅں سرینگر سے
سرحدی علاقہ کے لوگوں سے اپیل کرنے آیا ہوں ۔ اشتیاق بیگ
سرینگر/جی آر بیگ میموریل ٹرسٹ کی جانب سے دردپورہ لولاب کے گورنمنٹ مڈل سکول میں آج طبی کیمپ کا انعقاد کیاگیا جس کا افتتاح سینئر صحافی اور تعمیل ارشاد کے مدیر اعلیٰ آکاش امین کے ہاتھوں ہوا جبکہ اس موقعے پر کے پی ایس کے مدیر اعلیٰ راجہ محی الدین اور دیگر افراد بھی موجود تھے ۔ اس طبی کیمپ میں 500سے زائد افراد کا علاج معالجہ کیاگیا اور مریضوں میں مفت ادویاب بھی تقسیم کی گئیں۔ اس موقعے پر وادی کے نامور ڈاکٹروں نے مریضوں کا علاج کیا اور انہیں مفید مشوروں سے نوازا ۔ یہ میڈیکل کیمپ اتوار 14مئی کو بھی جاری رہے گا۔ اس موقعے پر جی آر بیگ میموریل ٹرسٹ کے چیرمین اشتیاق بیگ نے میڈیا سے بات کرتے ہوئے بتایا کہ ٹرسٹ کی جانب سے وقت وقت پر مختلف دیہی علاقوں میں مفتی طبی کیمپ کا انعقاد کیا جارہا ہے تاکہ دور دراز کے علاقوں میں رہنے والے لوگوں کو بہتر طبی خدمات حاصل ہوں۔ انہوںنے بتایا کہ یہاں سے گھر گھر منشیات مخالف مہم چلائی جارہی ہے ۔ا نہوںنے بتایا کہ میں سرینگر سے ننے پیر سرحدی ضلع کے لوگوں سے اپیل کرنے آیا ہوں کہ وہ گھر گھر منشیات مخالف مہم کو کامیاب بناکر منشیات کی لعنت کے خاتمہ کےلئے ٹرسٹ کا ساتھ دیں ۔ انہوںنے بتایا کہ اس بدعت کی وجہ سے کئی سماجی مسائل پیدا ہوئے ہیں اور اس کے خاتمہ کےلئے سماج کے ہر طبقہ کو آگے آنا چاہئے ۔
