پیرزادہ سعید
کرنا // شمالی قصبہ کرناہ میں انسداد منشیات کے عالمی دن کی مناسبت سے انتظامیہ نے ایک بیداری پروگرام ، حلف برداری اور مباحثوں کا انعقاد کیا اس پروگرام کی صدارت ایس ڈی ایم کرناہ کر رہے تھے جبکہ پروگرام میں زونل ایجوکیشن آفیسر ٹنگڈار چھمکوٹ، ایس ایچ او کرناہ کے علاوہ مختلف اسکولوں کے بچوں اور اساتذہ کی ایک بڑی تعداد نے شرکت کی۔
دونوں بلاکوں میں اسکولی بچوں نے ہاتھوں میں پلے کارڈز اٹھا رکھے تھے جن پر نشے کے خلاف نعرے درج تھے ۔ مقررین نے منشیات کے استعمال کی لعنت کو ختم کرنے کے لیے ایک مسلسل مہم کی وکالت کی ، جس نے معاشرے میں خطرناک جہت اختیار کرلی ہے مقررین نے منشیات کی بدعت کے متعلق بیش قیمتی جانکاری دیتے ہوئے لوگوں خصوصا سماج کے نوجوانوں کو بتایا کہ منشیات کے مسلہ سے صحت ، تحفظ اور سماج کے بقا کو خطرناک خطر و لاحق ہے اور وقت کی ضرورت ہے کہ منشیات کی بدعت کے خلاف ہاتھ ملائیں اس دوراں ایس ڈی ایم کرناہ نے دن کی مناسبت سے خطاب کرتے ہوئے کہا کہ منشیات کا استعمال فرد کو بر باد کرنے کے ساتھ ساتھ معاشرے میں جرائم کو بھی بڑھاتا ہے۔ انہوں نے معاشرے میں پھیلی لعنت کے خلاف لڑنے اور برداشت نہ کرنے کے لیے سب کے مضبوط عزم کو فروغ دینے پر زور دیتے ہوئے کہا کہ اس دن کو صرف علامتی طور نہ منایا جائے بلکہ پورے عزم کے ساتھ فیصلہ کن اور منصوبہ بند کار روائی کی جائے کہ اس سے پہلے کہ بہت دیر ہو جائے، تا کہ غیر قانونی اسمگلنگ اور منشیات کے استعمال پر قابو پایا جا سکے اس دوراں ڈگری کالج سے لیکر چنار پارک جنگذار تک ایک ریلی بھی نکالی گئی۔