“سیاسی ڈرامہ بازی کا دور چلا گیا۔ 2024 میں خاندانی سیاست بے محل ہے”: درخشاں
بی جے پی کے نیشنل ایگزیکٹیو ممبر اور جموں و کشمیر وقف بورڈ کے چیئرپرسن ڈاکٹر سید درخشاں اندرابی نے آج این سی، کانگریس اور پی ڈی پی پر دوبارہ اقتدار حاصل کرنے کے لیے اور کچھ ووٹ حاصل کرنے کے لیے جھوٹا بیانیہ پھیلا کر لوگوں کو گمراہ کرنے پر سخت تنقید کی۔ انہوں نے کہا کہ یہ خاندانی سیاستدان ہمارے ہزاروں نوجوانوں کے قتل کے ذمہ دار ہیں کیونکہ انہوں نے اقتدار میں رہنے اور بادشاہوں کی طرح برتاؤ کرنے کے لیے کئی دہائیوں تک ڈرامے کی سیاست کا سہارا لیا۔ انہوں نے انتخابات میں دھاندلی کی، ووٹروں کو دھمکیاں دیں، لوگوں کو اقتدار میں رہنے کے لیےخوف کا کلچر پروان چَڑھایا۔ ہر الیکشن میں یہ افواہیں پھیلاتے ہیں، اقتدار میں رہنے کے لیے لوگوں کو گمراہ کرنے کے لیے جھوٹے بیانیے پھیلاتے ہیں۔ یہ خاندان جموں و کشمیر میں کئی دہائیوں سے جاری خونریزی اور افراتفری کے ذمہ دار ہیں”۔ درخشاں نے کہا۔ وہ آج شوپیاں میں بی جے پی کی ایک بڑی انتخابی ریلی سے خطاب کر رہی تھیں۔ جموں و کشمیر کے بی جے پی الیکشن انچارج رام مادھو اور شوپیاں سے پارٹی کے امیدوار جاوید قادری بھی موجود تھے۔ اس موقع پر موجود ڈاکٹر اندرابی نے کہا کہ یہ خاندان جموں و کشمیر میں لوگوں کی تکلیفون اور ان کی پریشانیوں کے ذمہ دار ہیں۔ “سیاسی ڈرامہ بازی کا دور چلا گیا ہے۔ 2024 میں خاندانی سیاست غیر بے محل ہے لیکن یہ خاندانی رہنما اب بھی ایسے بول رہے ہیں جیسے وہ 1947 میں رہ رہے ہوں۔ جموں و کشمیر اب ایک بدلا ہوا خطہ ہے جہاں لوگ امن اور ترقی سے سرفراز ہو رہے ہیں”، درخشاں اندرابی نے کہا۔ بعد ازاں ضلع پلوامہ کے نکس میں ایک اور انتخابی ریلی سے خطاب کرتے ہوئے ڈاکٹر اندرابی نے کہا کہ این سی کانگریس اور پی ڈی لیڈران 2008، 2010 اور 2016 کی ہلاکتوں اور آج کے کچھ دہشت گردی کے واقعات کے درمیان فرق کو سمجھنے سے قاصر ہیں۔ “یہ خاندانی سیاست دان اس حقیقت سے خوش نہیں ہیں کہ اقتدار سے باہر ہونے کے بعد اب کشمیر میں عام لوگوں کو روز روز مارا نہیں جا رہا ہے، اس لیے وہ جموں و کشمیر کی صورتحال کے بارے میں غیر منطقی اور بے ہودہ باتیں کرتے ہیں۔ “یہ خاندانی سیاست دان اس حقیقت سے خوش نہیں ہیں کہ اقتدار سے باہر ہونے کے بعد اب کشمیر میں عام لوگوں کو روز مرہ کی بنیاد پر قتل نہیں کیا جا رہا ہے، اس لیے وہ جموں و کشمیر کے حالات کے بارے میں جھوٹ پھلاتے ہیں اور بے ہودہ باتیں کرتے ہیں۔ وہ احمقوں کی جنت میں رہ رہے ہیں کیونک جموں کشمیر نے اب امن اور ترقی کے ساتھ جینے کا فیصلہ کر لیا ہے”۔
