کپوارہ // وادی لولاب میں کرکٹ کا اب تک کا سب سے بڑا ٹورنامنٹ انڈین آرمی کے زیرِ اہتمام شروع ہو چکا ہے۔ اس شاندار ٹورنامینٹ میں مقامی سطح کی 64 ٹیمیں حصہ لے رہی ہیں، جو شمالی کشمیر پریمیئر لیگ میں جگہ بنانے کے لیے ایک دوسرے کے مدمقابل ہوں گی۔
ٹورنامنٹ میں 63 ناک آؤٹ مقابلے ہوں گے جن کے بعد دو بہترین ٹیمیں سامنے آئیں گی، جو چیمپئنز آف لولاب کا تاج اپنے سر پر سجائیں گی۔سبھی میچ لولاب وادی کے چار مختلف مقامات پر بیک وقت کھیلے جا رہے ہیں جن میں چندیگام، ٹکی پورہ، چیپورہ اور تاریچ شامل ہیں۔ مقامی لوگ بڑی تعداد میں گراؤنڈ کا رخ کر رہے ہیں تاکہ اپنی اپنی ٹیموں کا حوصلہ بڑھا سکیں۔آج کے دن کا آغاز چندیگام اسپورٹس گراؤنڈ سے ہوا جہاں سوگام کلب اور فارسٹ ڈیپارٹمنٹ کی ٹیمیں آمنے سامنے آئیں۔ اس موقع پر ٹرافی کی رونمائی کی گئی اور کھلاڑیوں سے ملاقات کا اہتمام بھی کیا گیا۔ دیگر میدانوں میں بھی جوش و خروش دیکھنے کو ملا، ٹکی پورہ میں یونائیٹڈ کلب واکول نے جولی کرکٹ کلب کا سامنا کیا، چیپورہ میں عفان رائلز کا مقابلہ پٹھان پینتھرز سے ہوا جبکہ تاریچ میں نطنوسہ ریڈز اور فرینڈز کلب کیگام کے درمیان سخت مقابلہ دیکھنے کو ملا۔یہ ٹورنامنٹ وادی کے نوجوانوں کو اپنی صلاحیتیں دکھانے اور کرکٹ میں اپنا مستقبل بنانے کا بہترین موقع فراہم کرے گا۔ ساتھ ہی کھیلوں کے جذبے کو فروغ دے کر مقامی آبادی کے درمیان ٹیموں سے جُڑے پن اور بھائی چارے کا احساس مزید مضبوط ہوگا۔
فوج کے اہتمام سے لولاب پریمیئر لیگ کا آغاز63 ناک آؤٹ میچ ہوں گے، مقامی ٹیموں میں زبردست ٹکر شروع
