جموں/سری نگر، 3 جولائی 2026: بھارتی ایئرٹیل نے آج اعلان کیا ہے کہ سالانہ شری امرناتھ یاترا کے دوران زائرین، سیکورٹی اہلکاروں اور مقامی انتظامیہ کو بہتر مواصلاتی سہولیات فراہم کرنے کے لیے اپنے موبائل نیٹ ورک کی کوریج میں مزید توسیع کی گئی ہے۔
ایئرٹیل نے چندن واڑی، پسو ٹاپ اور بیتا ب ویلی میں نئے نیٹ ورک مقامات قائم کیے ہیں، جس کے نتیجے میں پہلگام راستے پر مقدس شری امرناتھ غار تک مسلسل موبائل نیٹ ورک دستیاب ہو گیا ہے۔ اس سے قبل کمپنی بال تل راستے پر بھی اپنی خدمات فراہم کر رہی ہے، اور اب دونوں اہم راستوں پر رابطہ سہولیات کو مزید مضبوط بنا دیا گیا ہے۔
یہ نیٹ ورک توسیع متعلقہ سرکاری محکموں اور مقامی انتظامیہ کے ساتھ قریبی اشتراک سے عمل میں لائی گئی تاکہ یاترا کے دوران مواصلاتی ڈھانچے کو مزید مستحکم بنایا جا سکے۔ اس بہتر نیٹ ورک سے زائرین کو قابلِ اعتماد صوتی اور انٹرنیٹ خدمات میسر آئیں گی، ہنگامی حالات میں رابطے آسان ہوں گے اور لاکھوں یاتریوں کو بہتر ڈیجیٹل سہولیات حاصل ہوں گی۔
بھارتی ایئرٹیل کے جموں و کشمیر کے چیف آپریٹنگ آفیسر وکرم آر ایس نے کہا، ’’ایئرٹیل کا عزم ہے کہ وہ دشوار گزار علاقوں میں بھی لوگوں، برادریوں اور ضروری خدمات کو ایک دوسرے سے جوڑے رکھے۔ امرناتھ یاترا کے لیے پہلگام اور بال تل دونوں راستوں پر اپنے نیٹ ورک کی توسیع ہمارے اس عزم کی عکاس ہے کہ جموں و کشمیر میں اپنی سرمایہ کاری جاری رکھتے ہوئے زائرین، سیکورٹی فورسز اور متعلقہ حکام کو یاترا کے دوران ہر وقت قابلِ اعتماد رابطہ سہولیات فراہم کی جائیں۔‘‘کمپنی کے مطابق دشوار گزار علاقوں میں نیٹ ورک کی مسلسل توسیع اس کے اس عزم کا اظہار ہے کہ رابطے کے فقدان کو کم کیا جائے اور بھارت کی ڈیجیٹل ترقی کو مزید فروغ دیا جائے۔
