کنوینئر وشو کشمیری سماج اور سرپرست گلوبل سولیس رضا کار تنظیم کرن واتل صدر گلوبل سو لیس پنٹو جی ، ساحل پنڈتا صدر اتھلیٹس جگٹی اور اجے کمار بٹ آج یہاں لفٹینٹ گورنر کے مشیر فاروق خان سے ملے اور انہیں جگٹی میں گلو بل سولیس رضا کار تنظیم کی جانب سے 20 دسمبر سے 27 دسمبر 2020 تک منعقدہ کھیل میلے کا ایک فوٹو البم پیش کیا ۔
وفد نے ایک یاداشت بھی پیش کی اور مشیر کا 27 دسمبر کو کھیل میلے کی اختتامی تقریب پر اُن کے بچوں کے ساتھ تین گھنٹے بتانے کیلئے شکریہ ادا کیا ۔
مشیر نے سول سوسائیٹی گروپوں جیسے گلوبل سولیس اور وشو کشمیری سماج تنظیموں کی جانب سے ہفتہ طویل جگٹی ٹاوَن شپ میں مائیگرنٹ بچوں کیلئے کھیل میلے کے انعقاد کیلئے سراہا اور امید ظاہر کی اس نوعیت کی سرگرمیاں نوجوان نسل میں مثبت سوچ پیدا کرے گی ۔
مشیر نے کھیل کود کے شایق نوجوانوں کیلئے بہتر مواقعے اور بنیادی ڈھانچہ فراہم کرنے کے حکومت کے عزم کا اعادہ کیا تا کہ نوجوان اپنی توانائی کو ایک مثبت سمت دے سکیں ۔
انہوں نے جگٹی ٹاوَن شپ میں مائیگرنٹ بچوں کیلئے مزید کھیل سرگرمیوں کے انعقاد کیلئے بھر پور مدد کا یقین دلایا ۔
نمبر
فائنانشل کمشنر صحت نے پی ایم جی اے وائی ، ایس ای ایچ اے ٹی سکیم کی عمل آوری کا جائیزہ لیا
جموں 21 جنوری 2021 ء;247;
فائنانشل کمشنر صحت و طبی تعلیم نے آج جموں کشمیر کے مختلف اضلاع میں حال ہی میں شروع کی گئی آیوشمان بھارت پردھان منتری جن آروگیہ یوجنا ، ایس ای ایچ اے ٹی سکیم کی عمل آوری اور کارکردگی کا جائیزہ لینے کیلئے متعلقہ حکام کی ایک میٹنگ طلب کی ۔ ڈولو نے متعلقہ حکام کو طبی اداروں میں زیادہ سے زیادہ داخل مریضوں کو سکیم کے دائرے میں لانے کیلئے مشن طریقہ کار پر کام کرنے کیلئے کہا ۔
میٹنگ میں مشن ڈائریکٹر این ایچ ایم ، پرنسپل میڈیکل کالج جموں ، ایم ڈی میڈیکل سپلائیز کارپوریشن ، ڈائریکٹر ہیلتھ سروسز جموں ، ڈی جی پلاننگ صحت و طبی تعلیم ، سٹیٹ ڈرگ کنٹرولر اور محکمہ صحت کے دیگر افسران اور بیمہ کمپنیوں کے نمائندگان موجود تھے ۔
پرنسپل جی ایم سی سرینگر ، ڈائریکٹر ہیلتھ سروسز کشمیر ، دیگر میڈیکل کالجوں کے پرنسپل ، ڈپٹی کمشنران اور چیف میڈیکل افسران نے میٹنگ میں بذریعہ ویڈیو کانفرنسنگ شرکت کی ۔
فائنانشل کمشنر نے ڈپٹی کمشنروں اور متعلقہ صحت افسروں کو لوگوں کی رجسٹریشن کے عمل میں سرعت لانے کیلئے کہا ۔
فائنانشل کمشنر کو بتایا گیا کہ اب تک ایس ای ایچ اے ٹی سکیم کے تحت 2002261 مستحقین کا اندراج ہوا ہے اور 191370 گولڈن کارڈ پہلے ہی