عالمی فارمیسی دن کے سلسلے میں نگوا سکمز کی جانب سے صورہ سکمز میں ایک تقریب کا اہتمام کیا گیا جس اس دن کی اہمیت پر روشنی ڈالی گئی ۔ اس موقعے پر کہا گیا کہ فارمیسی یعنی دواسازی طبی شعبہ میں ایک انقلابی اقدام تھا جس کی وجہ سے مریضوں کو موثر ادویات فراہم ہوئی اور اس طرح سے فارمیسی کی وجہ سے روزانہ ہزاروں کی زندگیاں بچائی جارہی ہے ۔ کرنٹ نیوز آف انڈیا کے مطابق عالمی فارمیسی(عالمی یوم دواسازی)کے حوالے سے صورہ سکمز میں ایک تقریب کا اہتمام کیا گیا جس میں اس دن کی اہمیت کو اُجاگر کیا گیا ۔ یہ تقریب نگوا سکمز کی جانب سے منعقد کی گئی جس کی صدارت نگوا کے صدر اشتیاق بیگ نے کی ۔ اس موقعے پر فارمیسی سے جڑی اہم شخصیات اور ہسپتال فارمیسی ذمہ داروں نے شرکت کی ۔ تقریب پر بات کرتے ہوئے اشتیاق بیگ نے کہا کہ طبی شعبے میں فارمیسی یعنی دواسازی ایک انقلابی اقدام تھا جس کی بدولت علاج و معالجہ کے طریقہ کار میں نمایاں تبدیلی آئی ہے ۔ انہوں نے کہا کہ دنیا میں ہیلتھ سیکٹر کی کامیابی کے پیچھے فارمیسی ہی ہے ۔انہوںنے اس دن کے حوالے سے بتایا کہ ہمیں یہ عہد کرنا ہوگا کہ دواسازی کے دوران ادویات کے معیار اور مریضوں پر اس کے مثبت اثرات مرتب ہوں ۔ اور اس کےلئے غیر معیاری ادویات کے استعمال سے گریز کرنے کی ضرورت ہے ۔ دریں اثناءنگوا سکمز کے صدر اشتیاق بیگ نے ایچ او ڈی ہاسپٹل ایڈمنسٹریشن ڈاکٹر غلام حسن یتو کو ایڈیشنل چیف سیکریٹری ہیلتھ کی جانب سے ایوارڈ دیئے جانے پر انہیں مبارکباد دی ۔ سکمز جموں کشمیر میں آیوشمان بھارت سکیم کی عمل آوری پر اول نمبر پر رہا ہے جس کے اعتراف میں موصوف یہ اس اعزاز سے نوازاگیا ۔ ادھر اشتیاق بیگ نے بتایا کہ ڈائریکٹر ڈاکٹر اے جی آہنگر کی قیادت میں سکمز نے کئی سنگ میل طے کئے ہیں اور حال ہی میں اس ادارے کو آیوشمان بھارت ایوارڈ سے بھی نوازا گیا جو ان کی کاوشوں اور ان کی ادارے کے تئیں لگن کا ہی نتیجہ ہے ۔
