نئی دہلی// صحت و خاندانی فلاح و بہبود کی مرکزی وزارت نے قومی اہلیت-کم-داخلہ ٹیسٹ ’نیٹ۔پی جی امتحان 2022′ کو اگلے آٹھ ہفتوں تک ملتوی کرنے کا فیصلہ کیا ہے۔
جمعہ کو یہاں وزارت کی طرف سے جاری ایک حکم میں کہا گیا ہے کہ ‘نیٹ۔پی جی امتحان 2022’ کو چھ سے آٹھ ہفتوں کے لیے ملتوی کر دیا گیا ہے۔ یہ امتحان 12 مارچ 2022 کو تجویز کیا گیا تھا۔
واضح رہے کہ نیٹ۔پی جی امتحان 2022 کے انعقاد سے متعلق ایک معاملہ سپریم کورٹ میں چل رہا ہے۔ اس میں نیٹ۔پی جی امتحان 2022 کو ملتوی کرنے کا مطالبہ کیا گیا ہے۔
وزارت نے بتایا ہے کہ امتحان کے انعقاد کی نئی تاریخوں کا چھ سے آٹھ ہفتوں کے بعد وزارت اور قومی امتحانات بورڈ کی کمیٹی جائزہ لے گی اور فیصلہ کرے گی۔