خان جہانگیر
سوپور
شمالی کشمیر ضلع بارہمولہ کے تحصیل ہیڈکواٹر سوپور کے بوٹینگو زینگیر میں کلسٹر کے تحت گورنمنٹ ہائر سیکنڈری اسکول میں یوم اساتذہ کی شاندار تقریب کا اہتمام کرکے 33 اسکولوں کے بچوں نے کی شرکت۔پروگرام کے دوران بچوں نے مختلف ثقافتی،تمدنی،اور باقی پروگراموں کو سامعین کے سامنے پیش کیا۔
اس موقع پر مہمان خصوصی چیف ایجوکیشن آفیسر بارہمولہ غلام محمد لون، زونل ایجوکیشن آفیسر زون ڈانگرپورہ فیاض احمد بھٹ، پرنسپل Hr.sec اسکول بوٹنگو محمد مصطفی بھٹ، ہیڈ ماسٹر جی ایم ایس اسکول بوٹنگو حاجی نثار احمد،سابقہ پروفیسرڈگری کالج سوپور غلام محمد کاوا، نمبردار بوٹینگو حاجی فاروق احمد بٹ،زونل ریسورس گروپ زون ڈانگرپورہ، بی ڈی سی، اور کلسٹر لیول کے تمام ہیڈ ماسٹرز اور مذکورہ سکول کے سٹاف ممبران کے علاوہ علاقہ بھر کے ذی عزت شہریون نے پروگرام مین شرکت کی
اس موقع پر مختلف مقررین نے صحت مند معاشرے میں استاد کی اہمیت پر روشنی ڈالی۔انھوں نے کہا کہ یوم اساتذہ ڈاکٹر سرواپلی رادھا کرشنن کے یوم پیدائش کے طور پر منایا جاتا ہے، ہر سال بڑے جوش و خروش کے ساتھ منایا جاتا ہے۔اور اس سال ہائر سیکنڈری اسکول بوٹینگو میں پہلی بار کلسٹر سطح پر منعقد کیا گیا ہیں جس سے سرکاری اسکولوں کے بچوں کے اندر کافی جوش اور ولولہ دیکھنے کو ملا اور بچوں نے رنگا رنگ پروگرام پیش کرکے یوم اساتذہ کو کامیاب بنایا۔
اس دوران مختلف مقررین نے اساتذہ کی اہمیت پر پوری طرح سے روشنی ڈالی اور کہا کہ ایک استاد قوم کا معمار ہوتا ہے جو طلباء کی زندگی کی تشکیل میں کلیدی کردار ادا کرتے ہیں۔اتنا ہی نہیں بلکہ استاد کو روحانی باپ کا درجہ بھی حاصل ہیں۔اساتذہ کا دن اسکولوں اور کالجوں میں منائے جانے والے دنوں میں سے ایک ہے۔ یہ وہ دن ہے جب آپ اپنی زندگی پر زبردست اثر ڈالنے کے لیے اساتذہ کی تعریف کرتے ہیں۔
پروگرام کے دوران چیف ایجوکیشن آفیسر بارہمولہ جی ایم لون نے کہا کہ مجھے بے حد خوشی ہے کہ سرکاری اسکولوں میں بہت زیادہ ٹیلنٹ ہے اور آج مجھے خوشی ہے کہ یہ لڑکے اور لڑکیاں اپنا پروگرام پیش کر رہے ہیں اور انہیں کسی چیز کا ڈر نہیں ہے۔ ایک دن معاشرے کا نام روشن کریں، انہوں نے مزید کہا کہ یوم اساتذہ ایک ایسا دن ہے جو طلباء اور اساتذہ کے درمیان اچھے تعلقات کو فروغ دینے کے لیے منایا جاتا ہے۔ یہ دن اساتذہ کے لیے ان کی تعریف اور ان کی محنت کو ظاہر کرنے کے لیے منایا جاتا ہے۔انہوں نے مزید کہا کہ ہمیں چاہیے تعلیم کے ساتھ ساتھ بچوں کو ان پروگراموں کی طرف راغب کریں تاکہ سرکاری اسکولوں کے اندر جو بچے زیر تعلیم ہے ان کا ہنر باہر لانے میں مدد فراہم ہوسکتا ہیں جس سے ہم ہنر مند بچوں کی صلاحیتوں کو دیکھ کر اس کو پوری طرح سے ایک صیح تربیت اور راستہ دیکھانے میں کامیابی حاصل ہوسکے گی۔
انہون نے مزید کہا کہ طلباء کو اپنے اساتذہ کا احترام کرنا چاہیے، اور یوم اساتذہ ایک استاد کو دکھانے کا بہترین موقع ہے کہ وہ روزمرہ کی زندگی میں ان کی کتنی قدر کرتے ہیں۔
اس دوران پروگرام کے آخر پر پرنسپل گورنمنٹ ہائر سیکنڈری بوٹینگو محمد مصطفی بھٹ نے تمام مہمانوں ،بالخصوص چیف ایجوکیشن آفیسر، زونل ایجوکیشن آفیسر، ذی عزت شہریون ،بچوں ،اور اساتذہ کرامون کا تہہ دل سے اظہار تشکر کیا اور بعد میں کلیدی کردار ادا کرنے پر بچون کی حوصلہ افزائی اور ان کو انعامات سے نوازا۔