کرناہ//مرکزی دارالعلوم کنڈی کرناہ اور مرکزی دارالعلوم شاہ ہمدان ٹنگڈار میں دینی اجتماعات کا انعقاد کیا گیا جس میں بچوں نے دین اور اسلام کے تئیں اپنے زریں خیالات کا اظہار کیا ۔ٹنگڈار شاہ ہمدان دارالعلوم میں طلباء کا اختتامی پروگرام انجمن اللسان ہوا جس میں بچوں نے بڑھ چڑھ کر حصہ لیتے ہوئے نعت رسول صلی اللہ علیہ وسلم اور دلچسپ مکالمے پیش کئے وہاں موجود لوگوں نے بچوں کی حوصلہ افزائی کی اور امید ظاہر کی یہ بچے سماج میں دینی تعلیم کو عام کرنے میں اپنا بھرپور کردار ادا کریں گے ۔ادھرمرکزی دارالعلوم کنڈی کرناہ میں بھی ایک دینی اجتماع منعقد ہوا جس میں علماء کرام کے علاوہ مدرسہ کے بچوں نے شرکت کی ۔علماء کرام اور بچوں نے اس دوران روزہ نماز زکات حج اور سماج میں پھیل رہی برائیوں کے متعلق اپنے خیالات کا اظہار کیا ۔مدرسہ کے بچوں نے بھی جذباتی تقریریں کی اور کہا کہ سماج میں برائیاں پھیل رہی ہیں اور اس کی روکتھام تب تک ممکن نہیں ہے جب تک نہ ہم اپنے گھروں میں دینی تعلیم کو عام کریں گے ۔انہوں نے والدین پر زور دیا کہ وہ اپنے بچوں کو گھروں میں اور مساجد میں نماز پڑھنے کے عادی بنائیں۔بدھ کو شام دیر گئے تک جاری رہنے والے اس پروگرام میں کنڈی اور اس کے ملحقہ علاقوں کے سینکڑوں لوگوں نے شرکت کی اور ارادے میں تعلیم حاصل کرنے والے طلباء کی حوصلہ افزائی کی اور انہیں دینی تعلیم پڑھنے پر مبارکباد پیش کی۔آخر پر بچوں میں انعمات بھی تقسیم کئے گے ۔
