پیرزادہ سعید
سرینگر // آل انڈیا ریڈیو سرینگرلائن آف کنٹرول کے کرناہ علاقے میں جی ٹونٹی کی مناسبت سے 24 اگست کو ایک پہاڑی شاعرانہ سمپوزیم اور کلچرل پروگرام کا انعقاد کرنے جا رہا ہے ۔مرکز کے زیر انتظام جموں وکشمیر کے مختلف اضلاع سے تعلق رکھنے والے پہاڑی شاعر اپنی شاعرانہ صلاحیتوں کا مظاہرہ کرنے کےلئے ٹنگڈار میں جمع ہوں گے، جو پہاڑی کی بھرپور اور متحرک ادبی روایت کی عکاسی کرتے ہیں۔ شاعرانہ سمپوزیم کے علاوہ ایک کلچرل شو بھی منعقد کیا جائے گا جس میں مقامی پہاڑی فنکار اپنے فن کا مظاہرہ کریں گئے، اس جشن کا مقصد نہ صرف پہاڑی شاعری اور موسیقی کو بلند کرنا ہے بلکہ سرحد ی سیاحت کو فروغ دینا اور مقامی معیشت کو تقویت بخشنا ہے۔ آل انڈیا ریڈیو سرینگر کے معروف پروگرام ”شہربین اور پہاڑی“ کے سینئر پروڈیوسر مقصود احمد نے تقریب کےلئے اپنے جوش و خروش کا اظہار کرتے ہوئے کہا ہم مصنفین کو کنٹرول لائن کے قریب بات چیت کےلئے ایک پلیٹ فارم فراہم کرنا چاہتے ہیں۔ اس سے پہاڑی شاعری اور موسیقی کو فروغ دینے میں مدد ملے گی۔انہوں نے کہا کہ ماضی27جولائی کو ایل او سی کیران میں ایک ثقافتی شو کا انعقاد کیا گیا تھا جس میں ہزاروں لوگوں نے نہ صرف شرکت کی بلکہ اس شو کے بعد کیرن کی طرف سیاحوں کا رخ بھی ہوا ۔انہوں نے کہا کہ ایل او سی پر اس سے قبل بھی آنڈیا ریڈیو کی طرف سے اس طرح کے موسیقی کے پروگرام ہوئے ہیں اور اس بار بھی ۔انہوں نے کہا کہ ہم مژھل اور اوڑی میں بھی ایسے پروگراموں کا انعقاد کرنے کےلئے تیاریاں کر رہے ہیں .انہوں نے کہا کہ ان پروگراموں سے یہاں کی ثقافت کو زندہ رکھنے میں مدد بھی ملے گی ۔
