*اپنے ہفتہ بھر کے دورے کے آغاز میں آج کانہامہ کا دورہ کیا*
سرینگر، 03 نومبر2024/ پریس انفارمیشن بیورو، حیدرآباد کے ڈپٹی ڈائریکٹر ڈاکٹر مانس کرشنا کانتھ کی قیادت میں حیدرآباد کے ذرایع ابلاغ سے وابستہ دس صحافیوں کا ایک وفد آج سے کشمیر کا سات روزہ دورہ شروع کر رہا ہے۔ اس دورے کا اہتمام پریس انفارمیشن بیورو، حیدرآباد نے میڈیا آؤٹ ریچ پروگرام کی ایک کڑی کے تحت کیا ہے جس کا مقصد دورہ کرنے والے صحافیوں کو متعلقہ خطے اور اس کے ارد گرد میں مرکزی حکومت کے مختلف اقدامات کے بارے میں معلومات فراہم کرنا ہے۔ دورے کے پہلے دن وفد نے بڈگام ضلع کے کانہامہ میں معروف کانی شال بُننے والے کامن فیسیلیٹیشن سینٹر کا دورہ کیا، جہاں انہیں کشمیر کی کانی شال بنانے میں شامل دستکاری کا مشاہدہ کرنے کا موقع ملا۔ دورہ کرنے والے ذرایع ابلاغ سے وابستہ نمائندوں کے وفد کے ساتھ پی آئی بی سرینگر کے جوائنٹ ڈائریکٹر جناب قاضی سلمان اور پی آئی بی سرینگر کے دیگر عہدیداران بھی موجود تھے۔ وفد کو وزارت صنعت و حرفت کے تحت شعبہ برائے فروغ صنعت و اندرونی تجارت (ڈی پی آئی آئی ٹی) کی جانب سے متعارف کرائے گئے جی آئی (جغرافیائی اشارے) ٹیگنگ نظام کے بارے میں بتایا گیا جس سے مقامی کاریگروں کو کافی فائدہ پہنچا ہے۔ یہ نظام روایتی دستکاری کو محفوظ رکھنے میں مدد کرتا ہے جبکہ خریداروں کو ان کی اصلیت اور معیار کے بارے میں مکمل معلومات کے ساتھ حقیقی، تصدیق شدہ مصنوعات حاصل کرنے کو یقینی بناتا ہے۔ مقامی کاریگر جناب سجاد کانہامی نے وفد کو کانی شال بُننے کے عمل کی وضاحت کی اور حکومت ہند کی طرف سے فراہم کردہ تعاون، جس میں مشترکہ سہولت مراکز کے قیام اور مقامی دستکاری کو فروغ دینے کے لیے دیگر اقدامات شامل ہیں، کے بارے میں تفصیلی جانکاری فراہم کی۔
……٭……
(ق س/ط ار/ م پ / ا ل ا :03-11-2024)
