جموں، 6 مارچ (جے کے این ایس): جموں و کشمیر حکومت نے تصدیق کی ہے کہ گزشتہ دو سالوں میں پہلگام میں 269 غیر قانونی تعمیرات کے خلاف نوٹس جاری کیے گئے ہیں۔
خبر رساں ایجنسی جے کے این ایس کے مطابق، حکومت نے اسمبلی میں ایم ایل اے وحید الرحمان پارا کے سوال کے جواب میں بتایا کہ پہلگام ڈیولپمنٹ اتھارٹی (PDA) اپنے دائرہ اختیار میں غیر قانونی تعمیرات کی نگرانی اور ان کے خلاف کارروائی کی ذمہ دار ہے۔
حکومت نے وضاحت کی کہ پہلگام ڈیولپمنٹ اتھارٹی نے بلڈنگ آپریشنز کنٹرولنگ اتھارٹی (BOCA) کی طرف سے دی گئی اجازتوں کی بنیاد پر 269 خلاف ورزیوں کے خلاف نوٹس جاری کیے ہیں۔ تاہم، ان میں سے زیادہ تر معاملات پردھان منتری آواس یوجنا (PMAY) اور مقامی لوگوں کے رہائشی مکانات سے متعلق ہیں، جو متعلقہ اتھارٹی کے دائرہ اختیار میں آتے ہیں۔
حکومت نے مزید کہا کہ پہلگام ڈیولپمنٹ اتھارٹی غیر قانونی تعمیرات کے خلاف سخت کارروائی کر رہی ہے اور جب بھی ضروری ہو، انہدامی مہم (demolition drive) چلائی جاتی ہے۔
(جے کے این ایس)
