مرکزی وزیر مملکت برائے دفاع سنجے سیٹھ نے جموں و کشمیر وقف بورڈ کی چیئرپرسن ڈاکٹر درخشاں اندرابی کی حضرت بل کی تعمیر نو اور خوبصورتی کے منصوبے کی ستائش کی۔ وزیر موصوف نے آج مشہور درگاہ کا دورہ کیا اور وہاں پر حاضری دی اور سب کی سلامتی اور خوشحالی کے لیے دعا کی۔ مرکزی وزیر نے کیمپس کا دورہ کیا اور گزشتہ چار سالوں کے دوران بورڈ کی طرف سے کی گئی وسیع ترقی کی تعریف کی۔ بعد ازاں درگاہ کے باہر منعقدہ ایک خصوصی تقریب سے خطاب کرتے ہوئے وزیر موصوف نے کہا کہ علم و روحانیت کی سرزمین میں درگاہ حضرت بل کی بڑی اہمیت ہے اور اگر وقف بورڈ کی جانب سے ڈاکٹر اندرابی کی قیادت میں اس درگاہ کی تعمیر نو بہت متاثر کن ہے۔ انہوں نے کہا کہ کشمیر کا روحانیت کا پیغام امن اور دیرپا ہم آہنگی کے لیے رہنما قوت ہے۔ وقف چیئرپرسن اور سنجے سیٹھ کے ساتھ آنے والے دیگر لوگوں میں راکیش مہاجن بی جے پی کے ریاستی نائب صدر، انور خان (بی جے پی ریاستی جنرل سکریٹری)، ساحل بشیر بھٹ (ریاستی ترجمان بی جے پی)، عارف راجہ (بی جے پی ریاستی سکریٹری) اور منظور بھٹ (ریاستی ترجمان بی جے پی) شامل تھے۔ وقف چیئرپرسن نے مرکزی وزیر کا شکریہ ادا کیا کہ انہوں نے درگاہ حضرت بل کی زیارت کے لیے اپنا وقت ضائع کیا۔ انہوں نے انہیں پورے جموں و کشمیر میں وقف بورڈ کے ترقیاتی منصوبے کے بارے میں بتایا۔
