کرناہ، کپواڑہ: اے جی ایس ہجینار جونیئر ونگ میں آج 12 اگست 2026 کو عالمی یومِ نوجوانان (International Youth Day) بڑے جوش و خروش کے ساتھ منایا گیا۔ اس پروگرام میں اساتذہ کے ہمراہ 70 سے زائد طلبہ و طالبات نے شرکت کی۔ تقریب کا آغاز صبح 11 بجے ہوا اور دوپہر 12 بجے اختتام پذیر ہوئی۔
اس موقع پر عالمی یومِ نوجوانان کے موضوع کو اجاگر کرنے کے لیے مختلف سرگرمیوں کا انعقاد کیا گیا۔ طلبہ نے متاثر کن تقاریر اور لیکچرز پیش کیے، جن میں قوم کی تعمیر و ترقی اور سماجی ترقی میں نوجوانوں کے اہم کردار کو اجاگر کیا گیا۔ طلبہ کے اعتماد، معلومات اور صلاحیتوں کو سراہا گیا۔
اس موقع پر ادارے کے پرنسپل جناب آفتاب احمد خواجہ نے شرکاء سے خطاب کرتے ہوئے مستقبل کی تشکیل میں نوجوانوں کے کردار پر ایک متاثر کن تقریر کی۔ انہوں نے طلبہ کی فعال شرکت اور ان کی کاوشوں کو سراہتے ہوئے انہیں ذمہ دار، باصلاحیت اور دوراندیش شہری بننے کی تلقین کی۔
پروگرام میں ریڈیو روحِ کرناہ کی ٹیم نے بھی شرکت کی، جو تقریب کی میڈیا کوریج اور اشاعت کے لیے موجود تھی۔
پروگرام کو جناب نسیم احمد لون، ٹی جی ٹی اردو اور جناب وقار یونس، پی جی ٹی بایو سائنس نے بحسن و خوبی مربوط کیا