سرینگر : 35ویں بٹالین سینٹرل ریزرو پولیس فورس (سی آر پی ایف) کے احاطے میں 80واں یومِ آزادی انتہائی جوش و خروش، قومی جذبے اور وقار کے ساتھ منایا گیا۔ اس موقع پر بٹالین کے افسران، ماتحت افسران اور جوانوں نے شرکت کی۔تقریب کا آغاز اجتماعی طور پر ’’وندے ماترم‘‘ کی گائیکی سے ہوا، جس کے بعد بٹالین کے کمانڈنٹ مہیش چندر تھوال نے قومی پرچم لہرایا۔ اس موقع پر موجود افسران اور اہلکاروں نے قومی ترانہ ’’جن گن من‘‘ پیش کیا۔تقریب سے خطاب کرتے ہوئے کمانڈنٹ مہیش چندر تھوال نے تمام افسران اور جوانوں کو یومِ آزادی کی مبارکباد پیش کی اور ملک کی سلامتی، امن اور سالمیت کے لیے سی آر پی ایف اہلکاروں کی خدمات کو سراہا۔ انہوں نے ان اہلکاروں کو بھی خراجِ تحسین پیش کیا جنہیں مختلف اعزازات اور تمغوں سے نوازا گیا ہے۔قابل ذکر ہے کہ کمانڈنٹ مہیش چندر تھوال کو بھی صدرِ جمہوریہ کا میڈل فار ڈسٹنگوئشڈ سروس (PSM) عطا کیا گیا ہے، جسے بٹالین کے لیے باعثِ فخر قرار دیا گیا۔انہوں نے اہلکاروں پر زور دیا کہ وہ نظم و ضبط، فرض شناسی اور قومی خدمت کے جذبے کے ساتھ اپنی ذمہ داریاں انجام دیتے رہیں اور ملک کی خدمت کے لیے ہمیشہ تیار رہیں۔تقریب کے اختتام پر ملک کی اتحاد، سالمیت اور سلامتی کے تحفظ کے عزم کا اعادہ کیا گیا اور قوم کی خدمت کے لیے مکمل لگن اور حب الوطنی کے ساتھ فرائض انجام دینے کا عہد کیا گیا
