برائے پریس / میڈیا
جون، 2026/6
جموں و کشمیر وقف بورڈ کی چیئرپرسن ڈاکٹر سید درخشاں اندرابی نے آج ضلع بانڈی پورہ کے لیے پنڈت دین دیال اُپادھیائے پرشکشن مہا ابھیان 2026 میں شرکت کی ۔ یہ پروگرام بھارتیہ جنتا پارٹی کی جانب سے ملک گیر مہم کے تحت منعقد کیا جا رہا ہے، جس کے پروگرام ملک کے مختلف حصوں میں منعقد ہو رہے ہیں۔
ڈاکٹر اندرابی نے ملک کی شاندار تاریخ اور قومی تعمیر کے لیے بھارتیہ جنتا پارٹی کے ترقیاتی روڈ میپ کے موضوع پر ایک بصیرت افروز خطاب کیا۔ اپنے خطاب میں انہوں نے اس بات پر زور دیا کہ ہماری عظیم تہذیبی و ثقافتی وراثت کو سمجھنا اور اس سے رہنمائی حاصل کرتے ہوئے اجتماعی طور پر ہمہ گیر ترقی، سماجی پیش رفت اور ایک مضبوط مستقبل کی تعمیر کے لیے کام کرنا نہایت ضروری ہے۔
ڈاکٹر درخشاں اندرابی نے کہا:
“وزیراعظم نریندر مودی جی کے وژن کی بدولت ہندوستان دوبارہ ایک عالمی طاقت اور عالمی رہنما کے طور پر اپنی حیثیت حاصل کر رہا ہے۔ آج ہم دنیا کی سب سے تیزی سے ترقی کرنے والی معیشت ہیں۔ ’آتم نربھر بھارت مشن‘ ہندوستان کو نئی بلندیوں تک لے جا رہا ہے اور ہم سب کو اس عظیم مشن کا حصہ ہونے پر فخر ہے۔” رکنِ پارلیمان (راجیہ سبھا) انجینئر غلام علی کھٹانہ اور بی جے پی کے ریاستی جنرل سیکریٹری محمد انور خان نے بھی اجلاس سے خطاب کیا۔
بعد ازاں ڈاکٹر اندرابی نے ضلع کپواڑہ کے لیے منعقد ہونے والے اسی نوعیت کے ایک پروگرام سے بھی خطاب کیا۔ اپنے ولولہ انگیز خطاب میں انہوں نے ہماری تہذیبی وراثت سے سبق حاصل کرنے اور اسے پائیدار ترقی، سماجی بااختیاری اور ایک مضبوط و خوشحال ہندوستان کے وژن کی تکمیل کے لیے بروئے کار لانے کی اہمیت پر روشنی ڈالی۔
دونوں اضلاع کے ممتاز ضلعی رہنماؤں اور عہدیداروں نے ان پروگراموں میں شرکت کی۔
میڈیا سے گفتگو کرتے ہوئے ڈاکٹر اندرابی نے کہا کہ بی جے پی ہندوستان کی عظمت پر یقین رکھتی ہے اور اجتماعی خدمت کے ذریعے “وکست بھارت” کے خواب کو حقیقت میں بدلنے کے لیے پُرعزم ہے۔۔
