پیرزادہ سعید
کرناہ: کرناہ میں پتھراؤ کے حالیہ واقعے کے تناظر میں، فوج نے امن کو برقرار رکھنے پر تبادلہ خیال کرنے کے لیے مقامی کمیونٹی رہنماؤں، بشمول لمبردار، چوکیدار، اور سابق پنچایتی راج انسٹی ٹیوشن (پی آر آئی) کے اراکین کے ساتھ ایک فوری میٹنگ بلائی۔
اس سے قبل یہ کرناہ سیول انتظامیہ نے سیول سوسائٹی کے اراکین اور دیگر اسٹیک ہولڈرز کے ساتھ ایک میٹنگ منعقد کی تھی اس میٹنگ کے دوران انتظامیہ نے عوام کو یقین دلایا تھا کہ ان واقعات میں ملوث شر پسند عناصر کے حلاف سخت کارروائی عمل میں لائی جائے گی۔ انہوں کہا پتھراؤ اور شرپسندی میں ملوثین کو انصاف کے کٹہرے میں لایا جائے گا۔
فوج نے اپنی میٹنگ میں سیکورٹی فورسز اور مقامی کمیونٹیز کے درمیان تعاون کی ضرورت کا اعادہ کیا۔ سینئر عہدیداروں نے جمع ہونے والے قائدین پر زور دیا کہ وہ مزید کشیدگی کو روکنے اور اپنے اپنے علاقوں میں پرامن ماحول کو فروغ دینے میں فعال کردار ادا کریں۔
فوجی اہلکار نے حاضرین سے خطاب کرتے ہوئے کہا، “امن و امان کا تحفظ مشترکہ ذمہ داری ہے۔ ہم آپ کی قیادت اور اثر و رسوخ پر بھروسہ کرتے ہیں تاکہ یہ یقینی بنایا جا سکے تاکہ لوگ امن و چین سے رہ سکیں۔
کمیونٹی رہنماؤں نے اپنی حمایت کا اظہار کیا اور فوجی اور سیول انتظامیہ دونوں کے ساتھ مل کر کام کرنے کا عزم کیا۔ انہوں نے ان واقعات کے حل کرنے پر زور دیا۔
حکام نے عوام کو یقین دلایا ہے کہ تحقیقات جاری ہیں، اور وہ پتھراؤ کے ذمہ داروں کو انصاف کے کٹہرے میں لانے کے لیے پرعزم ہیں۔ کسی بھی قسم کے واقعات کو روکنے کے لیے سیکورٹی فورسز ہائی الرٹ پر ہیں، جبکہ کمیونٹی لیڈروں کو اپنے حلقوں کو باخبر اور پرسکون رکھنے کا کام سونپا گیا ہے۔
